Chinchilla Cup 2026

Stemnet starta med ein klasse for vaksne med lite konkurranseerfaring, der Kjetil Grønås deltok. Han tapte den første kampen mot vinnaren av NC-seniorklassen, før han vann kampar i rekvalifiseringa og kom til bronsefinalen. Det enda med femteplass. 

Kjetil deltok også i veteranklassen. Her måtte han opp ein vektklasse og tapte mot ein fysisk sterk motstandar frå Austerrike. Den tredje utøvaren i klassen vart skada og måtte stå over neste kamp, så det vart sølvmedalje på trenaren vår.

Ånund Havn og Tristan Vatna Dahl stilte i ungdomsklassen U15 for første gong, i vektklassen -46. Med mange røynde motstandarar frå Austlandet var dette verkeleg eit steg opp i nivå for dei to yngste. Begge gjekk god judo i kampane sine, men kom ikkje vidare frå innleiande grupper til semifinalen.

Timian Aga Grønås gjekk i -60, også dette ein U15-klasse med svært høgt nivå. Han gjekk ein god første kamp, men vart skada då han vrei seg unna eit kast og landa på kne, og fekk ikkje gått fleire kampar.

Kjetil Grønås var lagleiar på stemnet. Me hadde også med oss Irene Aga og Even Havn som støtteapparat.