Oppstartsamling august - 24

Trass litt skuffande oppslutnad frå ungdomspartiet, gjennomførte Kjetil ei planlagd økt der me prøvde ulike variantar av harai goshi.

Den siste økta på laurdagen, for vaksne, var det Kurt som hadde ansvaret for. Me gjekk gjennom grunnleggjande bakketeknikkar og snuingar, før me hadde ei nokså hard kondisjonsøkt med raske inngangar og kast.

På sundag var det duka for Open dag, der alle som er interesserte kan koma innom, låna ein drakt og prøva seg litt på judo for første gong. Klubben stilte med heile 9 trenarar, med hovudtrenar Ole Severin i spissen, og godt var det, for denne gongen kom det mange folk! I tillegg til 15 av våre eigne utøvarar kom det om lag 20 heilt nye. Dei fleste var barn, men også nokre ungdommar og vaksne. Me håpar at dei hadde ei god oppleving og at mange av dei blir med oss vidare på trening.

Takk til alle trenarar, medlemar og foreldre som har bidrege til ei flott og vellukka helg for judoklubben vår!